ILOILO CITY – Ginabanta nga naglab-ot sa 10 ka mga tawo ang ginpamatay sang Myanmar junta troops kag ginpangsunog ang ginatos ka mga balay sa isa ka raid sa village sa nagapadayon nga inaway sa hotspot opposition sa coup.
Ang Northwest Sagaing region ang napun-an sang inaway kag madugu-on nga mga reprisals humalin pa sang nagligad nga tuig sa diin ang mga junta ang nagatinguha nga maguba ang resistance sang local “People’s Defence Force” (PDF).
Sang Hulyo 18, ang mga suldado ang gin-drop malapit sa Kyi Su village sang duha ka mga helicopters kag malapit 100 ka mga tawo nga wala nakapalagyo ang ginpang-preso sang military.
Ang mga tigulang ang ginpapagwa pagkasunod nga adlaw samtang mga pulo ka mga bata-on pa nga tawo ang ginpabilin sa lugar.
Nadiskubrehan sang mga villagers ang mga lawas sang tawo sang sila ang nagbalik sang Hulyo 20 matapos nga nagbiya ang mga suldado.
Sa 10 ka mga nasapwan nga patay, siyam ang nakilala sang ila pamilya.
Nakita man nga ang mga lawas nga nasapwan ang may higot sa kamot.
Nagdangat naman sa ginabanta 30 ka mga tawo sa village ang nagapabilin nga missing.
400 ka mga balay sa Muslim quarter sang village ang ginpangsunog kag ang mosque ang partially damaged sang kalayo.
Indi naman malab-ot ang junta spokesman.
Una na nga gin-akusahan sang junta nga terorista ang PDF groups nga amo ang nagpangsunog.
Ginabanta nga yara na sa 700, 000 ka mga tawo sa Myanmar ang na-displace bangud sang kinagamo suno sa UN.
Masobra naman sa 2, 100 ka mga tawo ang nagkalamatay sa crackdown sang junta.
