ILOILO CITY – Nagpanawagan ang Iloilo City Police Office (ICPO) sa tanan nga mga ginikanan kag kabataan nga maghalong gid batuk sa mga kawatan sa pagbukas sang in-person classes sa Agosto 22.
Sa interview sang Bombo Radyo kay PLt. Mavi Laraño, deputy chief of police sang Iloilo City Police Station 1, iya ginpahayag nga sa subong, amat-amat na nga nagabalik ang mga estudyante sa syudad sang Iloilo kag madamo naman sang nagabakal sang school supplies.
Ini ang manami nga opurtunidad para sa mga wala sang trabaho kag nagapangunyadi lamang pinaagi sa pagpangawat.
Suno kay Laraño, ang mga kabataan amo gid ang prone sang mga pickpocket incidents.
Ang ICPO ang nagapanghanda na sa pagbukas sang face-to-face classes.
May yara sang mga beat patrollers sa kada eksena.
Ang mga estudyante kag ginikanan ang ginapanugyanan nga maghalong kag indi na magsuksok sang malahalon nga alahas kun maggwa kag halungan ang mga malahalon nga cellphones.
Ang ginatawag nga back pack ang sa subong tawgon na nga “front pack”.
Diri, nagapanugyan ang kapulisan nga kun mahimo, ibutang sa atubang ang mga bag agud nga indi na makawatan pa.
