ILOILO CITY – Ginapatihan nga nagtupa sa exclusive economic zone (EEZ) sang Japan sa pinakauna nga bes ang ballistic missiles sang China.
Suno kay Nobuo Kishi, defense minister sang Tokyo, lima sa siyam ka ballistic missiles sang China ang ginapatihan nga nagtupa sa EEZ sang Japan sa ginpatigayon nga massive military drills sa palibot sang Taiwan.
Ang Japan ang nag-file na sang protest sa China pinaagi sa diplomatic channels sa ginakabig nila nga isa ka seryoso nga problema nga naga-apekto sa national security kag seguridad sang mga citizens.
Ang bahin sang southernmost island region Okinawa ang malapit lamang sa Taiwan.
Ang EEZ sang Japan ang naga-extend tubtob sa 200 nautical miles halin sa coastline sang Japan.
