ILOILO CITY – Nag-appoint sang nurse si Pope Francis nagikan sa health services sang Vatican agud nga mangin “personal medical assistant”.
Sa statement nga ginpagwa sang Vatican, ang nurse amo si Massimiliano Strappetti, coordinator sang mga nurses kag sang health facility sang Vatican.
Kung madumduman, sa eroplano nga pabalik sa Vatican halin sa Canada, ginpahayag sang 85 anyos nga Santo Papa nga nagadugang na ang iya edad kag ang iya kabudlay sa paglakat ang naga-apekto sa iya bilang pontiff.
Ang posisyon nga “personal medical assistant” ang wala sang nagligad nga Santo Papa apisar nga si Pope John Paul II nga napatay sang 2005 ang may yara sang madamo nga medical care givers sa ulihi nga tuig sang iya kabuhi.
Si Pope Franics ang may yara na sang personal doctor kag geriatrics specialist sa Gemelli Hospital kung sa diin, nagpaidalom ini sa operasyon sang nagligad nga tuig.
Naglahog ang Santo Papa sang nagligad nga tuig nga si Strappetti amo ang nagsalbar sang iya kabuhi pinaagi sa pagkumbinsi sa iya nga indi na niya masarangan kun wala sang surgery.
Ang Santo Papa ang nagagamit sang wheelchair sa iya paglakat bangud sang sakit sa tuhod.
Suno sa iya, ginpili niya nga indi magpa-opera sa iya nga tuhod bangud nga indi niya gusto nga masulit ang madugay nga negatibo nga side effects nga iya nga ginsuprer sang nagligad nga tuig.
