ILOILO CITY – Gin-anunsiyo sang Singapore ang dugang nga duha pa ka local cases sang monkeypox kun sa diin, lakip na diri ang una nga local transmission kag ang kabilugan nga kaso ang nagdangat na sa 15.
Suno kay Bombo International Correspondent Mercy Cacan, ang duha ka mga nagpositibo ang lunsay lalaki nga naga-edad sang 25 kag 54, wala sang travel history.
Wala gin-specify sang Ministry of Health (MOH) ang ila nga nationalities.
Ang 54 anyos nga pasyente ang close contact sang iak-13 nga pasyente nga amo ang 33 anyos nga lalaki nga wala man sang travel history.
Sa kabilugan, may yara sang 10 ka local kag lima ka imported cases kag lunsay mga kalalakinhan.
Matandaan nga gin-deklarar na sang World Health Organization (WHO) nga global health emergency ang monkeypox virus.
Sang nagligad nga semana, ginkumpirma sang India ang pinakauna nga monkeypox death sa Asya.
