ILOILO CITY- Wala pa sang petsa ang patigayunon nga turn-over of command sa Police Regional Office- 6 may kaangtanan sa pagpungko sang bag-o nga Regional Director.
Pagatal-usan ni PBGen Leo Francisco si PBGen. Flynn Dongbo bilang Regional Director sang PRO-6.
Sa interview sang Bombo Radyo kay PLtCol Arnel Solis, spokesperson sang PRO-6, iya ginpahayag nga sa bahin sang PRO-6, dalayawon ang nangin performance sang outgoing regional director ilabi na sa pagpaluntad sang kalinong kag katawhay.
Suno kay Solis, ini nga reshuffling ang kabahin lang sang pag-improve sang nasambit nga mga police officials sa ila nga career.
Nahibaluan nga naghalin sa NCR kag nagserbe nga Manila Police District Director si Francisco, samtang ma-assign naman sa logistics sa National Headquarter sa Camp Crame si Dongbo.
Ini ang resulta sang reshuffling sang mga opisyal sa PNP nga ginpatuman sang bag-o nga PNP Chief nga si Police Gen. Rodolfo Azurin.
