ILOILO CITY – Padayon ang pagsinggitan sang hustisya sang pamilya sang isa ka Filipina photographer matapos nga ginpatay sa iya balay sa South Everett, Washington.
Ang Pinay amo si Irah Sok nga ginluthang sa iya ulo.
Suno sa kapulisan, ginsulod sang tatlo ka mga wala pa nakilala nga mga suspek ang balay sang Pinay.
Pilason man ang iya bana nga Makara Sok nga isa ka Cambodian-American.
Yara man sa ila balay ang ila anak apang wala napilasan.
Padayon ang pagpangita sang Snohomish County Sheriff’s Office sa mga suspek kag nagapangayo na sang CCTV footage nagikan sa ila mga kaingod agud nga mabuligan sila sa pag-identify sang armado nga grupo.
Suno sa pakaisa ni Sok nga si Aileen Lapuz, pito pa lamang ka bulan nga nagbukas sang photography studio ang biktima kag nagdaog pa sang award sa iya maternity photos.
Yara pa sa state of shock ang iya nga bana.
Magluwas sa balay sang mga biktima, may tatlo ka iban pa nga kabalayan nga ginsulod apang indi pa mahibaluan kung konektado ang amo nga insidente.
