ILOILO CITY- Nanindugan liwat si Iloilo City Mayor Jerry Treñas nga indi niya paghingadlan ang mga job hires sa Iloilo City Hall nga nagpositibo sa drug test.
Sa interview sang Bombo Radyo sa alkalde, iya ginpahayag nga naluoy siya sa mga ini bangud pat-ud nga maapektuhan gid ang ila pangabuhi.
Una na ginpahayag ni Trenas nga indi niya luyag nga mabiktima sang extra judicial killings ang nasambit nga mga job hires sa tion nga maglapta sa publiko ang ila identity.
Nahibaluan nga duha ka job hires ang nagpositibo sa druga kag bilang konsekwensiya, wala na gin-renew ang ila kontrata.
Samtang,ginasekreto man sang alkalde ang schedule sang pagpatigayon sang random drug test sa mga regular employees.
Plano sang syudad nga magbakal na lang sang test kits para nga ang mga medical technologista na lang ang magpatigayon sang drug testing.
