Ginpahayag ni Pope Francis nga ginpamatud-an sang mga babayi nga iya nga gin-appoint sa Vatican nga mas mas maayo pa sila nga managers ipaanggid sa mga lalaki.
Gindugang pa sang Santo Papa nga may yara matuod sang male chauvinism ukon aggressive patriotism sa Roman Catholic Church kag sa bilog nga sosyudad.
Ginplastar sang Santo Papa ini nga mga komento sa isa ka airborne news conference sa eroplano nga pabalik na sa Roma matapos ang iya apat ka adlaw nga trip sa Bahrain.
Sabat ini ni Francis sang ginpamangkot siya nahanungod sa mga babayi nga amo ang nagapanguna subong sa lapnagon nga protesta sa Iran.
Wala ginsabat ni Pope Francis ang pamangkot kag ginliso ang topiko sa papel sang mga babayi sa kabug-usan.
Gin-apresyar ni Francis ang managerial roles sang mga babayi kag ginmensyonar sini si Sister Raffaella Petrini, ang deputy governor sang Vatican City, nga amo ang ginakilala nga most powerful woman sa Vatican kag gin-appoint sang nagligad nga tuig nga mangin in charge sa 2,000 ka mga empleyado.
Gin-abi abi man sini ang impact sang lima ka mga babayi nga amo ang gin-appoint sa department nga naga-oversee sang finances sang Vatican.
Suno pa sa Santo Papa, matawag na ini nga revolution bangud nakahibalo ang mga babayi kun paano mangita sang paagi nga mapauswag ang Vatican.
Ginkondenar man sini ang agresibo nga patritiosmo sa sosyudad kag ginplastar nga tuman ini ka duna sa kalibutan mangin sa iya ginhalinan nga lugar sa Argentina.
Sa katapusan sang iya mensahe, gintawag sang Santo Papa nga regalo ang mga babayi bangud babayi kag lalaki ang gintuga sang Ginuo — indi puppy dog nga hampangan lang sang mga lalaki.
