ILOILO CITY- Naglab-ot na sa 26 gikan sa 37 ka mga barangay sa Oton, Iloilo ang may kumpirmado nga kaso sang African Swine Fever.
Sa interview sang Bombo Radyo kay Oton Vice Mayor Neil Olivares, iya ginpahayag nga kasunod ini sang ginpatigayon nga test sa mga specimen sang mga baboy.
Suno kay Olivares, ini nga mga baboy ang hungod nga ginpamatay samtang ang iban ang nagkalamatay bangud sa balatian.
Naglab-ot naman sa 100 hog raisers ang apektado sa banwa.
Ginpahayag naman ni Olivares nga may yara naman sang lima ka mga barangay ang namalibad nga ipaidalom sa test ang mga baboy sang mga hog raisers–ini amo ang Abilay Sur, Alegre,Cagbang, Pulo Maestra Vita, kag Turog-turog.
May isa naman ka barangay nga wala sang mga ginasagod nga baboy kag ini amo ang Poblacion North.
