Nagsugtanay ang Southeast Asian leaders nga pasugtan na ang East Timor nga mag-intra sa Association of Southeast Asian Nations regional bloc nga ginabug-usan sang 10 ka mga pungsod.
Ang East Timor ang ginakabig pinaka-lamharon nga pungsod sa Southeast Asia kag nakaangkon lamang sang independence halin sa Indonesia sang 2002 matapos ang 24 ka tuig nga pagsakop sang amo nga pungsod.
Sa regional summit sa Phnom Penh, nagsugot ang regional leaders nga hatagan ang East Timor sang observer status kag kinamatarong nga mag-attend sa meetings kag summit sessions.
Sa subong, may himuon nga roadmap kun sa diin i-set ang criteria nga dapat malab-ot sang East Timor agud mahatagan ini sang full membership.
Isa man ini sa pinakapigado nga pungsod sa kalibutan nga may mataas nga lebel sang inequality, malnourishment kag unemployment.
