Nabutang sa alang-alang ang “kingmaker status” ni former United States President Donald Trump matapos napaslawan ang Republicans nga ma-dominar ang House kag ang Senate sa midterm elections.
Wala natuman ang “red wave” prediction matapos nagguwa ang resulta sang eleksyon sa Nevada kun sa diin daog ang incumbent nga Democrat candidate batok sa isa ka Republican challenger.
Bangud sini, nabatak sa 50 ang Senate seats nga ginauyatan sang Democrats, abanse sa 49 nga gina-uyatan sang Republicans.
May yara pa sang himuon nga runoff election sa Georgia sa Disyembre 6, apang pananglitan Republican candidate ang magadaog, diri naman kag magasulod si Vice President Kamala Harris nga mahimo maka-cast sang boto agud ma-break ang tie sa 100-member chamber sa Senado.
Kun yara na sa 51-49 ang boto pabor sa Democrats, ginalantaw nga dugang ini nga pabor para sa partido ni US President Joe Biden sa pagpasar sang mga hagna.
Suno kay Bombo Rex Viejon, international correspondent sa Washington D.C., isa man ini subong ka reality check sa Estados Unidos partikular na sa Republican Party kun sa si Trump pa bala ang nagakaigu nga kandidato agud manguna sa presidential ticket sa 2024.
Bisan sa House, tuman man ka nipis ang abanse sang Republicans sa Democrats.
Ini apisar una na nga ginpahayag nga may “red wave” nga matabo bangud sa mga nagakontra sa Biden administration kag sa mataas nga inflation rate sa Estados Unidos.
