ILOILO CITY- Naglab-ot sa 2.6 million ka mga turista ang nag-abot sa Pilipinas sang 2022 base sa data sang Department of Tourism.
Ini ang resulta sang pagbukas sang borders sa tanan international travelers sang Pebrero.
Nakarecord naman ang ahensya sang P173 billion tourism revenue sang 2022.
Ang kalabanan nga mga turista ang naghalin sa US, South Korea, Australia, kag United Kingdom.
Subong nga2023, target ni Tourism Secretary Christina Frasco ang 4.8 million international visitors.
