Iloilo City – Padayon nga ginabulong sa ospital ang contractual employee sang Department of Education matapos ginlabo sa sulod sang gymnasium sang Fort San Pedro National High School sa Iloilo City.
Ang biktima amo si Bryan Hautea, 35 sang Ticud, La Paz, Iloilo City kag nagatrabaho nga contractual employee.
Ang suspek amo si Celo Dumago, 42 sang Brgy. Zamora-Melliza, Iloilo City Proper.
Sa interview sang Bombo Radyo kay Police Staff Sergeant Magoleño, Imbestigador sang Iloilo City Police Office 1, iya ginpahayag nga nag-angkon sang indi pag-intindihanay ang biktima kag suspek kag naglala pa bangud sa kahulugbon.
Sa ulihi, nagkuha sang binangon ang suspek sa ila barracks kag ginlabo ang biktima sa ulo.
Preso naman ang suspek sa Iloilo City Police Station 1.
