Ginhatagan sang Philippine Institute of Volcanology and Seismology (PHIVOLCS) sang ‘go signal’ ang search and rescue team para sa missing nga Cessna plane nga makasulod sa vicinity sang Mayon Volcano apisar sang Alert Level 2 nga napasaka sa amo nga area.
Una na nga ginpahayag ni Civil Aviation Authority of the Philippines (CAAP) spokesperson Eric Apolonio nga indi maka-diretso ang search and rescue team malapit sa bulkan bangud nasulod ang area sa permanent danger zone.
Apisar may yara na sang permit, isa pa ka problema amo ang pagbaskog sang ulan kag posibilidad sang pagbaha.
Suno pa kay Apolonio, magapadulong ang mga imbestigador sa ginatudlo nga crash site kag indi lamang pagpa-ipaagi sa aerial inspection agud nga makumpirma gid kun ang debris nga yara sa lugar amo ang wreckage sang missing aircraft.
Maga-focus ang pagpangita sa Cessna plane sa Mayon Volcano area suno naman kay Camalig, Albay Mayor Carlos Irwin Baldo Jr.
Wala pa sang kumpirmasyon ang Civil Aviation Authority of the Philippines kun Cessna plane gid man ang nakuhaan sang picture malapit sa crater sang bulkan.
Apat ang sakay sa amo nga eroplano: isa ka pilot, isa ka co-pilot, kag duha ka pasahero nga lunsay Australian citizen. ##
