Iloilo – Nag-ayo na ang tanan nga kaso sang hand-foot-and-mouth disease nga narekord sang probinsya sang Iloilo humalin sang Enero 1 tubtob Pebrero 11, 2023.
Sa interview sang Bombo Radyo kay Iloilo Governor Arthur Defensor, Jr., iya ginpahayag nga wala na niya ginakonsidera pa ang pagpaidalom sa probinsya sa State of Calamity bangud fully recovered na ang 1,647 cases.
Apisar sini suno kay Gov. Defensor, padayon sa gihapon ang mga protocols nga ginahimo sa kada banwa kaangay na lang sa pag-disinfect sang mga pasilidad agud nga indi maglapta ang balatian.
Samtang, nag-ako naman ang gobernador nga indi pa mahimo nga makadeklarar sang probinsya sang state of calamity sa amo nga balatian bangud kulang ini sa pondo.
Samtang, ginpahayag naman ni Dr. Maria Socorro Quiِnon, head sang Provincial Health Office, nga mild kag self-limiting lamang ang hand-foot-and-mouth disease.
Buot silingon, naga-ayo man ang pasyente sa sulod sang pito tubtob napulo ka adlaw ilabi na kun manami ang response sang immune system.
Sa subong suno kay Dr. Quinon, wala sang may nabaton nga report ang Provincial Health Office nga may yara sang pasyente nga naglapaw sa napulo ka adlaw ang pagsuprer sini sang nasambit nga balatian.
