Ilubong na subong nga adlaw, Marso 16, si former Negros Oriental Governor Roel Degamo.
Gindeklarar man ini sang Malacañang bilang isa ka special non-working day sa bilog nga probinsya agud hatagan sang ligwa ang mga pumuluyo nga maglalaw kag mag-honor sa ginpatay nga gobernador kag sa walo ka iban pa nga biktima sa krimen nga natabo sang Marso 4 sa Pamplona, Negros Oriental.
Ang deklarasyon sang special non-working day ang kasunod man sang request sang nagapungko subong nga gobernador nga si Governor Carlo Jorge Joan “Guido” Reyes.
Patigayunon ang lubong sa hometown ni Degamo sa Siaton, tupad sa pantyon sang iya amay kag utod nga babayi.
Una na nga ginpahayag ni President Ferdinand Marcos Jr. nga indi magpahuway ang gobyerno tubtub nga indi mahatagan sang hustisya si Degamo kag ang iban pa nga napatay. ##
