ILOILO CITY- Nagalaum si anay Department of Health Secretary Janette Garin nga ma-deliver sang bag-o nga appointed Secretary sang ahensya nga si Dr. Teodoro Herbosa ang mga serbisyo nga may sense of urgency.
Sa interview sang Bombo Radyo kay Iloilo 1st District Representative Janette Garin, iya ginpahayag nga sa sulod sang malapit isa ka tuig nga wala sang tiglikom ang Department of Health, madamo nga mga serbisyo ang nagkala-delay.
Suno kay Garin, kuntani hatagan man igtalupangod ni Herbosa ang problema nga ginatawag infodemics ukon ang nagalapta nga mga fake news nga nagatuga sang pagsalangisag sang mga tawo natuhoy sa medikal nga mga impormasyon.
Nagpabutyag naman si Garin nga kuntani indi pagduso ni Herbosa nga i-privatize ang healthcare.
Ini bangud suno kay Garin, sang nagpungko bilang Department of Health (DOH) undersecretary si Herbosa,nagduso ini sang madamo nga Public- Private Partnership.
Suno kay Garin, kun isapribado ang mga serbisyo para sa ikaayong lawas, mangin palas-anon ini sa mga pigado nga mga pumuluyo.
