Mangin prayoridad ni newly appointed Health Secretary Ted Herbosa ang pagsiguro nga makabaton ang health workers sang nagakaigu nga kompensasyon halin sa gobyerno.
Solbaron man sini ang problema sang mga health sector nga tuman ka atrasado ang pag-abot sang benepisyo.
“I’ll look into that. I’ll make sure lahat ng nagtrabaho at nagbigay ng serbisyo, mabigay ‘yung benefits nila,” pahayag sang DOH chief.
Ginpahayag pa ni Herbosa nga tion na agud nga pasakaan ang bayad sa health workers. Gin-cite sini ang problema nga ang manubo nga sweldo ang rason kun ngaa wala nagatinir sa pungsod ang mga Filipino health workers kundi nagapangita sang trabaho abroad.
Lakip man sa marching order ni President Ferdinand Marcos Jr. suno sa tiglikom amo ang pag-address sa nagasaka nga kaso sang tuberculosis, human immunodeficiency virus sa kabataan, kag amo man ang teenage pregnancies.
Ginapatutukan man sang presidente suno sa iya ang pag-expand sang specialty hospitals ukon ang mga ospital nga nagatutok sa mga partikular nga kondisyon ukon treatment. #
