Gintawag ni Justice Secretary Jesus Crispin ‘Boying’ Remulla nga basura ang pahayag ni suspended Negros Oriental Third District Rep. Arnoldfo ‘Arnie’ Teves Jr. nga may opisyal halin sa Department of Justice (DOJ) nga nagtanyag sang minilyon ka pesos sa ginatudlo co-mastermind sa Degamo assassination nga si Marvin Miranda.
Isa si Miranda sa 11 nga akusado kag nagaisahanon lamang nga wala sang ginpaguwa nga statement.
Ang 10 sa iban nga suspek ang una na nga nagbawi sang ila nga mga ginpangbuy-an nga statement batok kay Teves.
Sabat ni Remulla, magpakita na lang si Teves sa otoridad kag pangsabton ang iya mga krimen nga nahimo.
Nahibaluan nga nagpaguwa ang prosecutors sang subpoena kay Teves agud magtambong sa preliminary investigation sa Degamo assassination.
Naka-schedule ini sa DOJ sa Hunyo 13 sang aga. #
