ILOILO CITY – Nagapabilin nga kritikal ang tatlo sa siyam ka mga tawo nga natiruhan sa Denver malapit sa Ball Arena kadungan sang selebrasyon sa pinakauna nga kadalag-an sang Nuggets sa National Basketball Association.
Ang suspek ang lakip man sa natiruhan.
Suno sa kapulisan, ang pagpaniro ang natabo sa Market Street nga yara pa sa vicinity sang arena kun sa diin nakuha sang Denver Nuggets ang ila una nga kadalag-an sa National Basketball Association batuk sa Miami Heat.
Pagkatapos sang kadalag-an sang Nuggets, linibo ka mga fans ang nagaselebrar sa dalanon malapit sa arena.
Nagagwa sa imbestigasyon nga nagsugod ang tiniruhay sang may natabo nga indi pag-intindihanay sa tunga sang pila ka mga tawo.
Suno kay Doug Schepman, spokesperson sang Denver police, ang pagpaniro ang natabo halos tatlo lamang ka oras kag tunga pagkatapos sang hampang, sa lugar kun sa diin may pinakamadamo nga fans.
Ang suspek ang gilayon nga natumod kag ginpreso.
Sa subong, nagapadayon pa ang imbestigasyon sang kapulisan.
