ILOILO CITY – Nagapadayon ang pagpangita sang United States kag Canadian ships and planes sa submarine nga na-missing sa coast sang southeastern Canada samtang nagakarga sang mga turista nga nag-explore sang wreckage sang Titanic.
Suno sa Coast Guard, may yara sang isa ka piloto kag apat ka mga pasahero nga karga ang vessel nga may capacity nga mag-submerge sa sulod sang 96 ka oras, apang indi pa klaro kun yara pa ini sa idalom sang tubig ukon nagbutwa na apang wala lamang nag-communicate.
Suno kay Coast Guard Rear Admiral John Mauger, tuman ka ligwin sang lugar kag mabudlay ang pagpatigayon sang search and rescue operation.
Nagpangayo naman sila sang bulig nagikan sa mga commercial vessels.
Lakip sa mga sakay sa submarine ang British billionaire nga si Hamish Harding nga nagapadalagan sang Action Aviation, isa ka Dubai-based private jet dealership.
Yara man ang Pakistani businessman nag si Shahzada Dawood kag anak sini nga Suleman.
Si Shahzada ang vice-chairman sang Pakistani conglomerate Engro Corporation, nga isa ka dako nga fertiliser firm.
Yara man si Paul-Henry Nargeolet nga former French Navy diver.
Mangin ang chief executiver officer sang operator sang submarine nga si Stockton Rush ang nakaupod man.
