ILOILO CITY- Gin-ako sang pamunuan sang Iloilo Police Provincial Office nga ang pagka-relieve sa hepe sang Carles Municipal Police Station ang may kaangtanan sa ginapahayag ginakaulamiran nga irregularidad sini.
Sa interview sang Bombo Radyo kay PCol Ronaldo Palomo, director sang Iloilo Police Provincial Office, iya ginpahayag nga may pila ka mga tawo nga naghatag sang statement nga nagatudlo kay PMaj Robert Jayson Pancha nga involved sa pila ka iligal nga buluhaton.
Apang suno kay Palomo, padayon pa ini nga ginaimbestigaran.
Matandaan nga Hunyo 23 sang gin-relieve si Pancha kag temporaryo nga gin-assign sa provincial headquarters.
Antes ang pag-relieve sa iya bilang hepe sang Carles Municipal Police Station, gin-relieve man ini sadto bilang hepe sang San Enrique Municipal Police Station kasunod mismo sang request ni San Enrique Mayor Trixie Fernandez bangud ginapahayag nga wala ini nagapakita sa tion sang meeting.
