ILOILO CITY- Nagdata pa gid ang kinawatay sa Bantud, La Paz, Iloilo City kun sa diin kalabanan nga biktima amo ang mga estudyante.
Sa interview sang Bombo Radyo kay Punong Barangay Michelle Paloma sang Bantud, La Paz, Iloilo City, iya ginpahayag nga masami nagakatabo ang pagpang-pickpocket sa tunga- tunga sang ala- onse sang aga kag alas-dos sang hapon.
Suno kay Paloma, halos indi man mahibaluan kun sin-o ang mga switik bangud ginapahayag nga mga disente man tulukon ang mga ini.
Dugang niya, may yara sila sang ginadudahan nga magnobyahanay nga amo ang nagapangbiktima sa mga estudyante.
Kaangot sini, naghingyo na si Paloma sang assistance halin sa La Paz Police Station para sa deployment sang personnel agud magbantay.
Suno kay Paloma, magluwas sa pulis, nagabantay man ang mga tanod.
