ILOILO CITY- Wala pa makay-o ang tow truck sang syudad sang Iloilo nga ginagamit kuntani sa pagguyod sang mga salakyan nga naga-illegal park sa mga dalanon.
Sa interview sang Bombo Radyo kay Mr. Jeck Conlu, pinuno sang Public Safety and Transportation Management Office, iya ginpahayag nga for repair pa ang tow truck gani ang gina-impound lang nga mga illegally parked nga salakyan amo ang mga tricycle kag motorsiklo.
Suno kay Conlu, base sa Regulation Ordinance No. 2013-318 ukon ang ordinansa nga nagadumili sa pagbilin sang motor vehicle ukon trailer sa diin man nga portion sang paagmpubliko nga dalan ukon highways sa sulod sang territorial jurisdiction sang syudad nga nagatuga sang obstruction sa trapiko, makabig nga abandonado ang salakyan kun ginbayaan ini sang driver sang masobra sa30 minutos.
Nahibaluan nga ang gina-tow nga mga light vehicles ang may penalidad nga P1200.
Gindugang naman ni Conlu nga nagalaum sila nga maamyendaran ang ordinansa angot sa illegal parking kag mapasakaan ang multa sang mga violators.
Base sa data, 80% sang violators amo ang mga private vehicles.
