ILOILO CITY- Bug-os ang determinasyon sang Iloilo softball team- elementary level para sa Palarong Pambansa 2023.
Sa interview sang Bombo Radyo kay Sheen Tiquison, facilitator sang team nga ginabug-usan sang mga estudyante sang Napnapan Elementary School sa Tigbauan, iya ginpahayag nga ini ang una nga bes nga nakalab-ot sila sa national level gani ila gid ini ginapreparahan.
Gin-ako naman ni Tiquison nga sa subong kulang pa ang ila mga gamit kaangay sang gloves kag helmet.
Sa pihak sini, dako ang iya pagpasalamat sa tanan nga nagasuporta sa ila nga team.
Ang Palarong Pambansa 2023 patigayunon sa Marikina City sa Hulyo 29 tubtob Agosto 5, 2023.
