ILOILO CITY- Nagapabilin nga active ang status sang duha ka mga personnel sang Iloilo City Police Office nga ginatudlo suspek sa tuyo nga pagpatay kay Glen Paloma nga ginhal-id sa talamnan sa Leganes sang Marso.
Ang duha ka pulis amo sanday PEMS Jessie Jim Rubio kag PSSG Enrico Gonzales.
Sa interview sang Bombo Radyo kay PMaj Mary Grace Borio, spokesperson sang Police Regional Office 6, iya ginpahayag nga yara subong ang duha sa Regional Personnel Holding and Accounting Unit (RPHAU) kag nagabaton gihapon sang sweldo.
Suno kay Borio, magluwas sa kaso kriminal nga ginpasaka batuk sa ila, may ara man sila sang kaso administratibo nga Conduct unbecoming of a police officer kag grave misconduct.
Sa subong, gina-review ang kaso kag kun maggwa nga guilty, magadepende sa summary hearing officer kun ano nga penalidad ang igadagdag batok sa ila.
