ILOILO CITY- Nagtaas ang numero sang mga pumuluyo nga may trabaho sa Western Visayas subong nga tuig kun ipaanggid sang nagligad nga tuig.
Sa interview sang Bombo Radyo kay Arleen Bagoning, Senior Statistical Specialist sang Statistical Operations and Coordination Division sang Philippine Statistics Authority, iya ginpahayag nga base sa 2023 Labor Force Survey as of April 2023, naglab-ot sa 3,514,288 ang employed ukon katumbas sang 95.7%.
Suno kay Bagoning, mas mataas ini sang kapin 140,000 kun ipaanggid sa amo man nga period sang 2022 nga yara sa 3,269,000 ukon 94. 4%.
Paathag ni Bagoning, sa mga wala pa sang trabaho, kalabanan sa ila ang nagahulat pa sang resulta sang ila mga job applications.
