ILOILO CITY- Nagpahanumdom ang Provincial Disaster Risk Reduction and Management Office sa pumuluyo sang Iloilo nga mag-aligmat sa gihapon apisar nga wala pa sang reported nga pag-awas sang mga suba sa probinsya.
Sa interview sang Bombo Radyo kay Dr. Jerry Bionat, pinuno sang amo nga opisina, iya ginpahayag nga magluwas nga wala pa sang narecord nga paglapaw sang tubig sa kasubaan, wala man sang landslide.
Panugyan ni Bionat, mas maayo nga kun nagabubo ang ulan kag nagahuyop ang mabaskog nga hangin, likawan gid ang paggwa sa balay kun indi man lang importante ang kaladtuan.
Suno sa iya, mas maayo man nga makapangaman sa ano man nga posible matabo nga dala sang Super Typhoon Egay nga ginpabaskog pa sang habagat.
