ILOILO CITY- Gin- ako sang chairman sang Committee on Engineering, Construction and Public Works nga hungod sini nga wala gin-imbitar ang Public Safety and Transportation Management Office sa committee hearing kun sa diin gin-istoryahan ang pagpatuman sang load limit sa Buhang Flyover sa Jaro.
Sa interview sang Bombo Radyo kay Councilor Johnny Young, iya ginpahayag nga structural aspect lang sang flyover ang ila nga gin-istoryahan kag wala nalakip ang traffic management.
Suno kay Councilor Young, nag- focus lang sila sa pag-regulate sang paggamit sang flyover kag kaangay nga nalimtan nga sa implementing rules, ang Public Safety and Transportation Management Office ang mapatuman sang ordinansa pananglitan mapasar.
Handa man ang konsehal nga istoryahon personal si Mr Jeck Conlu nga amo ang pinuno sang Public Safety and Transportation Management Office agud maathag ini sa amo nga butang.
Dugang pa sang natungdan, sigurado na nga ipatawag ang Public Safety and Transportation Management Office sa ginaplano nga ordinansa nga pagadumuli sa pila ka mga salakyan sa paglabay sa amo nga flyover.
