Magapungko bilang testigo sa kaso ang duha ka mga pulis nga nagserbe man anay nga mga team leader sa hot pursuit operations sang mga pulis sa Navotas City nga nag-resulta sa kamatayon sang 17-anyos nga solterito nga si Jemboy Baltazar.
Suno kay Police Colonel Allan Umipig, anay hepe sang Navotas City Police Office, ang amo nga mga pulis ang makasugid kun sin-o gid ang nakatiro kay Baltazar nga una na nga ginpahayag nga biktima lamang sang mistaken identity.
Suno sa anay hepe, wala siya nakahibalo kun sin-o ang naghatag sang go-signal sa operasyon sang Agusto 2, apang ginsiling man sini nga gina-respeto niya ang desisyon nga kakason siya sa posisyon.
Suno naman kay newly-appointed Navotas Police officer-in-charge Colonel Santos Sumingwa, ginmanduan na ang tanan nga pulis sa idalom sang Navotas Station 4 nga magpaidalom sa re-training.
May yara man sang separado nga resolution nga gin-file sanday Senador Risa Hontiveros kag Senador Koko Pimentel nga nagaduso sa imbestigasyon sa Senado kaangot sa amo nga hitabo. #
