ILOILO CITY- Isa ang nadakpan kag isa ang nakapalagyo sa ginpatigayon nga buy-bust operation sa Purok 1, Bulaqueña, Estancia, Iloilo.
Ang nadakpan amo ang subject nga si Gelyn Quirap, 28, isa ka online seller, samtang nakapalagyo naman ang live-in partner niya nga si Antony Barosa, 29, kag isa ka laborer.
Nakuhaan si Quirap sang kapin 30 grams sang suspected shabu nga may estimated value nga nagalab ot sa 204,000.
Sa interview sang Bombo Radyo Kay PLt Renzo Martinez, hepe sang Estancia Municipal Police Station, iya nga samtang nagabaklanay na, namutikan ni Barosa nga pulis ang ila ka-transaksyon gani madasig ini nga nagdalagan kag nalagyo samtang nadakpan gid si Quirap.
Suno kay Martinez, nagakuha ang mga suspetsado sang ila supply sa syudad sang Iloilo kag ila ini gina-distribute sa ila baranggay kag amo man sa kaiping nga Baranggay Gogo kag Baranggay Paon.
Dugang sang natungdan, sang damlag lang nakadakop man sila sa amo nga lugar sang maglive- in partner sa diin ginabanta 50 grams sang shabu nga may estimated value nga P340,000 ang nakuha sang otoridad.
Preso na subong si Quirap kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
