ILOILO CITY- Naglab-ot sa ginabanta P60,000 ang balor sang halit nga natuga sang sunog sa Brgy. Tiring, Cabatuan, Iloilo.
Sa natabo nga sunog,duha ka balay ang totally burned kag isa ang partially burned.
Sa interview sang Bombo Radyo kay Fire Officer 3 Daryl Talamera, arson investigator sang Cabatuan Municipal Fire Station, iya ginpahayag nga base sa imbestigasyon, naghalin ang kalayo sa balay sang pamilya Magbanua.
Suno kay Talamera, may nagluntad nga short circuit sa isa ka kwarto sang balay nga gin-umpisahan sang kalayo nga madasig nga naglapta sa kaiping nga balay sini bangud human sa light materials.
Ginhingagaw pa kuntani sang tagbalay nga palungon ang kalayo apang nabudlayan na ini kag mas ginpili nalang nga luwason ang kabuhi sini kun sa diin nakaagom pa ini sang first degree burn bangod nabudlayan ini nga maglakat sa rason nga isa siya ka Person With Disability.
