ILOILO CITY- Nadakpan sang mga otoridad ang ginakabig top 1 Most Wanted Person sa Western Visayas.
Ini amo si Laurel Mondia, 40 anyos,residente sang Barangay Lambuyao, Oton, Iloilo kag may kaso nga rape by carnal knowledge.
Sa interview sang Bombo Radyo kay PMaj Fernand Limbungan,Acting Chief of Police sang Oton Municipal Police Station, iya ginpahayag nga magluwas sa rape, may kaso pa gid nga sexual abuse si Mondia.
Suno kay Limbungan, naaresto si Mondia sa iya mismo puluy-an.
Wala sang piyansa nga ginrekomendar ang korte para sa iya temporaryo nga kahilwayan.
