Nahimo na nga Tropical Depression nga ginatawag Bagyo ‘Ineng’ diri sa Pilipinas ang Low Pressure Area (LPA) nga yara sa nasidlangan sang Extreme Northern Luzon.
Ulihi nga nakit-an ang sentro sini sa kalayuon nga 925 km sa nasidlangan sang Extreme Northern Luzon. Dala sini ang kabaskugon sang hangin nga 45 km/h malapit sa sentro kag pagmadlos nga tubtub sa 55 km/h.
Mahinay ini nga nagahulag pa-naaminhan.
Wala sang wind signal number nga gin-isyu sa bisan diin man nga bahin sang pungsod.
Wala ini sang direkta nga epekto sa pungsod apang ginapabaskog sini ang Habagat nga amo ang magadala sang pag-ulan-ulan ilabi na sa Luzon sa masunod nga tatlo ka adlaw.
Posible nga maguwa si Bagyo Ineng sa Philippine Area of Responsibility (PAR) karon sa gab-i ukon buwas bilang isa na ka tropical storm. #
