Nagdangat sa 28 ka mga warplanes sang China ang nakit-an nga nagapalibot sa Taiwan kag naglapaw na sa median line sang Taiwan Strait.
Suno sa defense ministry sang Taiwan, 20 sa aircraft ang na-detect halin kahapon sang aga kag nakasulod na sa southeast kag southwest air defense identification zone matapos nagtabok na sa linya nga amo ang naga-separar sa island nation gikan sa mainland China.
Suno pa sa defense ministry, nagapatigayon ang China sang mission kaangay sang long range exercises kag training.
Gina-monitor man sang Taipei ang sitwasyon paagi sa ila nga patrol aircraft kag mga barko.
Sang nagligad nga semana, nag-report man ang Taiwan nga 68 ka Chinese aircraft kag 10 ka naval vessels ang nagsulod sa ila nga teritoryo.
Ini matapos nagsiling ang Beijing nga naka- “high alert” ang China sang naglabay man sa Taiwan Strait subong nga bulan ang duha ka barko nga iya sang Canada kag sang Estados Unidos sang Amerika. #
