Gin-anunsyo sang Catholic Bishops’ Conference of the Philippines (CBCP) nga ginpahalin ni Pope Francis ang isa ka pari sa Borongan, Eastern Samar nga gin-akusahan nga involved sa sexual abuse sa mga menor de edad.
Ini amo si Father Pio Aclon nga ulihi nga nag-serbe sa minor seminary sa syudad antes siya ginsuspinde sang diocese sa iya nga clerical duties.
Ang desisyon sang Santo Papa ang gin-anunsyo sang Diocese of Borongan paagi sa official statement nga gintawag “Informationis Causa.”
Pirmado ni Father James Abella, chancellor sang diocese, nga amo nga notice bangud sa ginpahayag mandate sang Santo Papa kag ni Most Reverend Crispin B. Varquez, DD.
Ginbasa man ang amo nga advisory sa tanan nga parish churches, chaplaincies, kag chapels nga sakop sang nasambit nga diocese.
Ginpasigurado man sang CBCP nga indi pagtabun-tabunan ang anuman nga sexual abuse nga kaulamiran sang mga pari.
May yara man ini sang gintukod nga opisina agud magbulig sa paghatag sang proteksyon sa mga kabataan gikan sa gina-alegar sekswal nga pagpang-abuso sang mga pari.
Nahibaluan nga una na nga gin-athag ni Pope Francis sa mga obispo sa bilog nga kalibutan nga dapat nga may ipatuman nga “zero tolerance” policy sa clergy members nga nagapang-abuso sekswal sa mga kabataan. #
