Naospital ang isa ka 18-anyos nga amateur boxer sa Davao del Sur matapos ang iya labing-una nga sambuwa.
Suno sa report, pila ka oras lang matapos ang iya una nga boxing match, nalipong na ang biktima nga si Anselmo Tagalog Jr.
Gindala ini sa ospital kag nadiskubrehan nga may blood clot sa iya nga utok.
Nagahingyo naman ang pamilya sang bulig sa para sa galastuhon sa pagtinir ni Tagalog sa ospital.
“Kung kinsa man tung naay malumong kasing2 ninyu dihaa kini siya akong uyuan igsoon sa akong papa c Anselmo Tagalog Jr intawon malooy mo kami naga panuktok sainyung kasing2 bisag gamay na hinabang financial para sailang expenses sa hospital,” kabahin sang Facebook post ni Elezabeth Camporedondo Tagalog.
Yari ang na-post nga G-Cash number: 09531132561.
Gina-imbestigaran na subong sang local government unit ang amo nga insidente. #
