Nagbaskog pa ang Bagyo Jenny kag nagtupa na sa TYPHOON category samtang nga yara ini sa kadagatan sang Pilipinas.
Ulihi ini nga nasiplatan sa kalayuon nga 655 km nasidlangan sang Aparri, Cagayan.
Dala sini ang kabaskugon sang hangin nga 120 km/h malapit sa sentro kag pagmadlos nga tubtub sa 150 km/h.
Nagahulag ini pa-naaminhan nakatundan sa kadasigon nga 10 km/h.
Lakip sa mga lugar nga napaidalom sa Signal Number 1 (kun sa diin may minimal tubtub minor nga pagpamahog sa kabuhi kag sa propiedad) amo ang Batanes, Babuyan Islands, ang eastern portion sang mainland Cagayan kag ang eastern portion sang Isabela.
Pabaskugon sini nga bagyo ang Habagat kag magadala sang pag-ulan-ulan sa western portions sang Central Luzon, Southern Luzon, Visayas, kag Mindanao sa masunod nga tatlo ka adlaw.
Sa track forecast, posible nga mag-landfall si Bagyo Jenny sa southern portion sang Taiwan sa Huwebes sang hapon ukon sa gab-i kag magaguwa sa Philippine Area of Responsibility sa amo man nga gab-i ukon sa Byernes sang aga.
