ILOILO CITY- Nagpaathag ang incumbent barangay kagawad sang Nabitasan, La Paz, Iloilo City kun ngaa nag-wtihdraw ini sang kandidatura sa pagka-punong barangay kun sa diin makasumpong niya ang reelectionist nga si incumbent punong barangay Barbie Aroza.
Sa interview sang Bombo Radyo kay Kagawad John Jesner Punsaran, iya ginpahayag nga sang nagligad nga Septyembre 28 pa niya nadesisyunan ang pag-withdraw sang iya kandidatura sa pagka-Punong Barangay apang sang damlag lamang niya ini ginsapubliko.
Suno kay Punsaran, luyag niya nga ihatag ang kahigayunan sa incumbent punong barangay nga mapadayon ang iya serbisyo bangud nagapati siya sa ikasarang kag sinseridad ni Aroza.
Pahayag ni Punsaran, tion man ini ngahatagan niya ang iya kaugalingon sang pahuway matapos ang 17 man ka tuig bilang public servant sa Nabitasan.
Dugang niya, bukas ini sa gihapon nga magbalik sa pulitika sa palabuton
