Samtang nga nagahilapit ang barangay and Sangguniang Kabataan elections, nagpanawagan liwat ang isa ka senador agud mapasar na ang hagna kun sa diin matugutan ang masobra anum ka million nga qualified senior citizens kag persons with disabilities nga makaboto sang temprano sa local kag national elections.
Base sa 2021 estimates sang Philippine Statistics Authority, may 2,754,813 ka mga babayi kag 3,635,271 ka mga lalaki edad 65 pasaka sa pungsod.
Photo by JL JAVIER
Nag-file si Sen. Lito Lapid sang Senate Bill 2361 agud matugutan ini nga vulnerable sectors nga makauna sa ila nga pagboto sa sulod sang pito ka working days antes ang petsa para sa local and national elections.
Nagalaum si Lapid nga mapasar ang hagna antes ang masunod nga eleksyon bangud suno sa iya, kabudlay lantawon ang mga Lolo kag Lola kag mga may kasablagan nga nagapanagil-ot man agud makaboto.
Si Senator Cynthia Vilar ang una naman nga nagpanawagan sang amo nga pribilehiyo para sa mga senior citizens kag persons with disabilities. #
