Ginkumpirma sang data halin sa gobyerno sang Israel nga masobra katunga sa 220 ka mga bihag sang Hamas militants sa Gaza Strip ang naga-uyat sang foreign passports halin sa 25 ka naglain-lain nga mga pungsod.
REUTERS/Ammar Awad
Sa sini nga updated nga numero, 138 sang hostages ang makabig nga foreigners lakip na ang duha ka Filipinos, 54 ka Thai nationals, 15 ka Argentinians, 12 ka Germans, 12 ka Americans, anum ka French, anum ka Russians, duha ka Tanzanian, isa ka Chinese kag isa ka Sri Lankan.
Pahayag pa sang Israeli government, 328 people halin sa 40 ka mga pungsod ang kumpirmado nga patay ukon missing pagkatapos sang pagpang-atake sang Hamas sang Oktubre 7 sa southern Israel.
Sa kabug-usan, sa amo nga adlaw, ginabanta 1,400 ang patay lakip na ang apat ka mga Pinoy.
Halin sang gindala sang militante nga grupo ang hostages sa Gaza Strip, apat pa lamang ang ila ginbuy-an (lakip ang American nga mag-iloy, kag ang duha ka Israeli nga tigulang nga mga babayi) sa ngalan sang humanitarian considerations kag kasunod man sang pagpatunga kag pagnegosyar sang iban nga mga pungsod. #
