Magapabilin ang Philippine National Police (PNP) sa heightened alert status tubtub sa Lunes, Nobyembre 6, agud mas masigurado ang safety sang mga tawo nga magabyahe halin sa ila mga probinsya pagkatapos sang malawig nga holiday break.
Photo: Russell Palma
Ang “heightened alert” nagakahulugan nga available para sa deployment ang 80 percent sang 228,000 nga mga nagabug-os sa hanay sang kapulisan.
Suno kay Pol. Col. Jean Fajardo, public information sang PNP, ipabilin gihapon ang police assistance desks sa airports, seaports kag terminals.
Ang sunod-sunod nga pahuway sang mga tawo halin sang hingapusan sang Oktubre ang kadungan sang pagpatigayon sang Barangay and Sangguniang Kabataan elections, All Saints’ Day kag All Souls’ Day ukon Undas.
Sang BSKE, naka-full alert ang PNP apang nag-report nga “generally peaceful” ang sitwasyon sa bug-os nga pungsod apisar sang na-rekord nga insidente sa pila ka mga lugar. #
