Ginklaro sang Commission on Audit (COA) nga may “clean audits” ang House of Representatives sa idalom sang anum ka tuig nga termino ni former president Rodrigo Duterte halin sang 2017 tubtub sang 2022.
Ang “clean audit” nagakahulugan nga wala sang nakit-an ang state auditors nga “material misstatements” ukon iregularidad.
Sa amo nga report, nakit-an nga nagpahanumdom lamang ang state auditors sa Kamara kaangot sa atrasado nga pagpasa sang pila sa ila nga mga dokumento.
Apang paathag sang komisyon, wala sang notice of suspension, wala sang notice of disallowance, kag wala sang notice of charge nga gin-isyu batok sa Kamara — buot silingon, wala sang makabig nga “red flag” sa financial records sang institusyon.
Gin-sertipika man sang COA nga wala nagbenepisyo ang Kamara sa Priority Development Assistance Fund (PDAF) ukon sa Disbursement Acceleration Program (DAP) Fund sa sulod sang anum ka tuig.
Matandaan nga una na nga ginkwestyon ni anay Presidente Duterte ang receipt of funds sang Kamara nga gin-classify nga “extraordinary and miscellaneous expenses.”
May P1.6 billion ang House para sa extraordinary expenses sa 2023, apang suno sa chamber, gingamit ini agud may hulagon nga kuwarta para sa training activities, scholarships, travel, kag iban pa nga supplies, magluwas pa sa pondo para sa emergency purposes kaangay sang bulig pananglitan may mga kalamidad.
Ini nga klaripikasyon ang kasunod man sang ginhimo sang mga mamalidha sang nagligad nga semana nga pagpasar sang resolution agud nga itib-ong ang integridad sang Kamara sa idalom sang liderato ni Speaker Martin Romualdez.
Ini ang sa tunga man sang sunod-sunod nga mga pagpang-atake ni former President Duterte.
