Ginbalikan ni President Ferdinand ‘Bongbong’ Marcos, Jr. ang mga tion nga na-exile ang iya pamilya sa Hawaii kag kun ano ka daku nga bulig ang ginpalab-ot sang mga Pinoy sa amo nga lugar.
Kadungan ini sang iya pagbisita sa Honolulu sa amo nga estado matapos nagtambong sa Asia-Pacific Economic Cooperation Summit sa San Francisco, California.
“We landed here with nothing. Kung hindi dahil sa inyo, palagay ko, wala na ang pamilyang Marcos kaya’t hindi ko makakalimutan.”
“When my mother (former first lady Imelda Marcos) found out I was coming to Honolulu, she said, ‘You make sure that you go back to all of those people who went out of their way to keep us comfortable and keep us alive,’” pahayag sang presidente.
Nagbyahe ang pamilya Marcos kag nagpuyo sa Honolulu, Hawaii pagkatapos sang EDSA People Power Revolution nga amo ang nagtapos sa diktadurya ni anay Presidente Ferdinand E. Marcos sang 1986.
Napatay ang amay nga Marcos sang 1989, ginpabalik sa pungsod sang 1993, kag gintugutan nga malubong sa Libingan ng mga Bayani sang 2016.
Magluwas sa pagpakigkita sa Filipino community sa Hawaii, magabisita man si Marcos sa Indo Pacific Command kag sa Daniel Inouye Asia Pacific Center for Security Studies antes magpauli diri sa Pilipinas. #
