Gin-anunsyo sang Malacañang kaina sang kaagahon nga nagpositibo sa Covid-19 si President Ferdinand Marcos, Jr.
Sandig sa abiso sang iya nga mga doktor, kinahanglan sini nga magpaidalom sa lima ka adlaw nga isolation.
Pahayag pa sang Palasyo, maka-trabaho gihapon ang presidente apang sarang lamang sini mapadayon ang naka-schedule nga meetings paagi sa teleconference.
Ginahulat pa ang dugang nga updates sa health condition sini subong.
Antes sini, matandaan nga nagpositibo man sa amo nga virus ang presidente sang una nga bahin sang pandemya sang Marso 2020 kag nagpositibo pa gid liwat sang Hulyo 2022.
“During this holiday season, President Marcos encourages the public to take precautions to safeguard their health, such as vaccinating and voluntary mask-wearing when entering crowded places,” kabahin sang statement sang Presidential Communications Office. #
