Magapadulong si President Ferdinand Marcos Jr. sa Tokyo, Japan subong nga adlaw, Disyembre 15, agud magtambong sa commemorative summit para sa ika-50 nga tuig sang friendship kag cooperation sa tunga sang Association of Southeast Asian Nations (ASEAN) kag Japan.
Suno kay Department of Foreign Affairs (DFA) Secretary Daniel Espiritu, lakip sa mangin agenda sa main event sa Domingo amo ang mga masunod:
- diskusyon sa pila ka international developments kun sa diin involved ang asosasyon — kaangay sang isyu sa West Philippine Sea, East China Sea, North Korea, kag Myanmar
- working lunch agud ma-diskusyunan ang people-to-people activities nga naangot sa arts, culture, kag sports
- summit-level discussion sa relasyon sang ASEAN kag Japan partikular na sa trade kag investment, supply chain, connectivity kag infrastructure, climate change, kag food kag energy security.
Ginalauman nga may bilateral meeting si Marcos kay Japanese Prime Minister Fumio Kishida kag magakadto man sa dinner nga pangunahan sang amo nga Japanese leader buwas, Disyembre 16.
Sa Lunes, Disyembre 18, magaupod si Marcos sa diskusyon sa decarbonization nga iga-organisar sang Asia Zero Emissions Community.
Ini na ang ika-11 nga byahe ni Marcos sa luwas sang pungsod subong nga tuig kag ika-17 halin sang nagpungko siya bilang presidente sang Pilipinas.#
