ILOILO CITY- Magapahamtang sang mobile detention facilities ang Bureau of Jail Management and Penology sa Iloilo City kadungan sang Dinagyang Festival.
Sa interview sang Bombo Radyo kay Iloilo City Mayor Jerry Treñas, iya ginpahayag nga tatlo ka mga pasilidad ang ibutang sa palibot sang syudad agud butangan sang mga indibidwal nga magtuga sang ginamo.
Suno kay Treñas, sa tion naman nga maggutok ang nasambit nga mobile detention facilities, pangdal-on sa Iloilo City Action and Response (ICARE) Center ang ginpang- detain nga mga indibidwal.
Natalana naman nga makigsapol ang alkalde kay IloiloCity Police Office Director Police Colonel Joeresty Coronica agud maistoryahan ang dugang pa nga mga concerns sa peace and order kadungan sang Dinagyang Festival.
