ILOILO CITY- Magadeploy sang indi magnubo sa 30 ka mga personnel ang Philippine Army para sa paghatag seguridad sa publiko kadungan sang Dinagyang Festival 2024 sa Iloilo City.
Sa interview sang Bombo Radyo kay Lieutentant Colonel J-Jay Javines,spokesperson sang 3rd Infantry Division sang Philippine Army, iya ginpahayag nga i-assign ang mga ini sa mga checkpoint areas.
Suno kay Javines, may yara man sang mga covert personnel nga nakasibilyan agud mag-monitor man sa sitwasyon.
Pahayag ni Javines, apisar insurgency-free ang Iloilo City, luyag nila nga masiguro nga mangin malinong ang syudad kag matapna ang ano man nga posible matabo nga pagpangsabotahe kadungan sang mga kahiwatan sa Dinagyang.
