Ginbuhi liwat ni President Ferdinand “Bongbong” R. Marcos Jr. ang Task Force El Niño.
Matandaan nga gin-anunsyo ni Defense Secretary Gilbert Teodoro Jr. ang pagbalik sang task force sang nagligad pa nga Disyembre 2023, apang Enero 19 lamang sang napirmahan ang executive order kag na-upload sa Official Gazette kahapon, Enero 22.
May yara sang chairperson sa task force samtang ang Department of Science and Technology chief amo ang magapungko nga co-chairman.
Lakip pa sa mga katapo sa task force amo ang mga tiglikom sang Department of Environment and Natural Resources, Department of Health, kag National Economic and Development Authority.
Sa amo nga executive order, nakasaad nga mahimo ma-revise kag ma-update sang Task Force El Niño ang Strategic El Niño National Action Plan kag imonitor man sang maayo ang implementasyon sang mga solusyon nga nakabutang sa amo nga plano.
Dapat man nga magpakig-angot ang task force sa iban pa nga mga ahensya sang gobyerno agud nga madasig nga makumpleto ang water infrastructure projects agud mahagan-hagan ang epekto sang El Niño.
Nakabutang man sa order sang presidente nga dapat may yara sang education campaign nga may koordinasyon sa Presidential Communications Office agud nga mas mapahangop sa publiko ang El Niño phenomenon. #
